Label
June 22, 2026

Af hverju þú ættir ekki að sleppa „Skip navigation“

„Skip navigation“ er eins og hraðleið í gegnum vefsíðuna þína. Rétt eins og að sleppa biðröð í skemmtigarði geta notendur hoppað beint í aðalefnið á síðunni þinni með einum smelli.

Hlekkurinn er venjulega falinn, en um leið og notandi ýtir á Tab á lyklaborðinu birtist hann og fer í fókus. Þetta gerir notendum kleift að sleppa leiðsögninni alveg eða flipa sig í gegnum hana – allt eftir þeirra þörfum.

Af hverju skiptir það máli

Þegar þú hannar vefsíðu þarf margt að haldast í hendur: útlit, virkni og notendaupplifun. En einn þáttur má aldrei gleymast – aðgengi.

Um það bil einn af hverjum fjórum íbúum Bandaríkjanna og yfir einn milljarður manns á heimsvísu (um 16% jarðarbúa) lifa með einhvers konar fötlun. Allir eiga að geta notað vefinn, óháð aðstæðum eða hæfni. Að hanna með aðgengi að leiðarljósi er ekki bara það rétta að gera – það er líka skynsamlegt fyrir reksturinn.

Aðgengilegur vefur:

  • opnar síðuna fyrir mun stærri hópi notenda,
  • sýnir að fyrirtækið hugsar um alla notendur,
  • tryggir að farið sé að lögum sem krefjast aðgengis fyrir fatlað fólk.

Flest hjálpartæki byggja á lyklaborðsnotkun, þannig að gott lyklaborðsaðgengi skiptir sköpum. Það getur vissulega virst yfirþyrmandi að ná fullu aðgengissamræmi – en að taka einn eiginleika í einu er frábær byrjun.

Í þessari grein einbeitum við okkur að litlum, en mjög áhrifamiklum eiginleika: „skip navigation" hlekknum.

‍

Af hverju eru „sleppa leiðsögn“ tenglar svona gagnlegir?

Oft er mikið af efni efst á vefsíðu áður en notandi kemst að eiginlegu innihaldinu. Fyrir þá sem nota mús er þetta lítið mál — þeir skrolla einfaldlega framhjá leiðsögninni. En notendur sem nota eingöngu lyklaborð eða skjálesara þurfa að fara í gegnum alla leiðsöguvalmyndina áður en þeir komast að aðalefninu.

Skjálesarar lesa efni í þeirri röð sem það birtist í HTML-skránni. Það þýðir að efst á síðunni er leiðsögn, hausar, auglýsingar eða annað „intro“-efni er alltaf lesið fyrst. Þetta getur verið pirrandi og tímafrekt fyrir notendur sem vilja bara komast beint að inntakinu.

Til að bæta upplifun þeirra er hægt að bæta inn „skip navigation“ tengli sem leyfir notendum að hoppa beint framhjá öllu flakkinu og í aðalefnið með einum smelli eða einni lyklaborðsaðgerð.

Það sem er lítið fyrir þig að innleiða getur verið stórt fyrir notandann

‍

A screenshot of Nielsen Norman Group's website displaying the "Skip to content" link circled in red, along with a graphic representation of a pen for emphasis at the top of the page.
Vefsíða Nielsen Norman Group inniheldur „Skip navigation“ tengil efst á síðunni. Tengillinn er falinn við venjulega notkun svo hann trufli ekki sjónræna fagurfræði síðunnar, en birtist um leið og notandi ýtir á Tab.Merking tengilsins er stutt, skýr og lýsandi. Þegar notandi setur fókus á tengilinn og ýtir á Enter, sleppir hann allri leiðsöguvalmyndinni og fer beint í aðalefni síðunnar þar sem hann getur haldið áfram að flipa í gegnum tengla og efni á skilvirkan hátt.

Ok, ég er með...En hvaða bestu starfsvenjur þarf að hafa í huga ?

Góð spurning! Hér eru nokkur lykilatriði sem þarf að hafa í huga:

1. Gakktu úr skugga um að hlekkurinn sé fyrsta atriðið sem skjálesari les út til notandans og að lyklaborðið einbeiti sér að því. Þannig geta notendur fundið hann strax og hoppað framhjá leiðsögninni án tafar.

2. Haltu textanum einföldum og lýsandi. Á borð við „skip navigation“ eða „Skip to main content“, skýrt, hnitmiðað og virkar.

3. Gakktu úr skugga um nægjanlegan birtuskil (contrast).Notendur með skerta sjón þurfa að geta séð og lesið tengilinn án erfiðleika þegar hann birtist í fókus.

4. Þar sem þú komst svona langt mun ég gefa þér bónusábendingu! Íhugaðu að bæta við „skip to footer" tengli líka.Hann gerir notendum kleift að hoppa beint neðst á síðuna, fullkomið fyrir lengri síður eða ef notendur vilja komast hraðar að síðufót.

A screenshot of SA.is website displaying the "Skip to content" link circled in red, along with a graphic representation of a pen for emphasis at the top of the page.
Þegar við hönnuðum vefsíðu Samtaka atvinnulífsins (SA.is) uppfylltum við allar kröfur um aðgengi þar á meðal að hafa „Skip to content“ tengil efst á síðunni. Tengillinn er falinn við venjulega notkun til að trufla ekki sjónræna fagurfræði síðunnar, en birtist strax þegar notandi ýtir á Tab.Textinn er stuttur, skýr og lýsandi. Þegar notandi fær fókus á „Skip navigation“ og ýtir á Enter hoppar hann yfir alla leiðsöguvalmyndina og fer beint í aðalefnið. Þar getur hann haldið áfram að flipa í gegnum efni og tengla á skilvirkan og aðgengilegan hátt.

Vonandi verða „skip navigation" tenglar að sjálfsögðum, fyrirsjáanlegum og nauðsynlegum eiginleika í allri vefhönnun. Það besta? Þeir eru auðveldir í innleiðingu — en geta skipt gríðarlega miklu máli fyrir notendur.

Við hjá Jökulá erum staðráðin í að gera vefinn aðgengilegri fyrir alla. Ef þú vilt aðstoð við hönnun eða uppbyggingu aðgengilegrar vefsíðu, þá er bara að hafa samband.

Saman getum við gert internetið aðgengilegra — einn „skip navigation“ tengil í einu.

‍

Word count: 500…ish?

Hungry for more?

Sjá allar greinar